PEDES Mensarum

PEDES Mensarum

apud Romanos, eburnei erant, Iaminis putamin um testudineorum minutim sectis obducti coopertique. Plin. l. 9. c. 11. Testudinum putamina secare in laminas, lectosque et repositoria bis vestire, Carvilius Pollio instituit, prodigi et sagacis ad luxuriae instrumentum ingenii. Et Philo Iudaeus, ad Tiberium Prin cipem a suis popularibus legatus, citante I. Lipsiô de hoc Romanorum luxu, Τρίκλινα, inquit, καὶ περίκλινα χελώνης ἢ ἐλέφαντος κατεσκευασμένα, καὶ τιμαλφεςτέρας ὕλης, ὧντὰ πλεῖςτα λιθοκόλλητα, i. e. Tricliniares lecti et Stibabia, testudine aut ebore adornata, et miliori etiam materiâ, atque ea plerumque gemmata. Vide quoque Senecam de Benefic. l. 7. c. 9. Plin. iterum l. 16. c. 43. Clem. Alexandrinum, Lucianum in Asino etc. Sed et meminit eburneorum Pedum Plato, Poeta Comicus vetustissimus, apud Athenaeum Dipnosophist. l. 2. c. 6.

Κᾷτ᾿ εν κλίναις ἐλεφαντοπόσι, καὶ ςτρώμασι πορφυροβάπτος,

Κᾄν φοινικίσι σαρδιανικαῖσι κοιμησαμένοι κατάκεινται.

In lectis deinde eburneis sultis Pedibus stragulisque purpurâ tinctis

Et ostrô Sardinianô, dormiturirecumbunt.

Sextus item Propertius l. 2. Eleg. 13. v. 23.

Nec mihi tunc fulcrô sternatur lectus eburnô,

Nec sit in Attalico mors mea nixa toro.

Et Catullus Epithalamio Iuliae ac Mallii, Epigr. 62. v. 111.

O cubile, quod homine

Candido pede lectulis

Quae tibi veniunt bona,

Gaudeas

Ubi tamen non de desunt, qui non de eburneo fulcro intelligi versum secundum velint, sed de argenteo Pede: aurô enim argentôque obduci lecticas, tam tricliniares, quam cubitorias, olim consuevisse, patet ex Papiniano l. 9. ff. de supell. leg. 35 Marriali l. 8. Epigr. 33. etc. Praesentârunt autem Pedes hi saepius hiantes pardos, uti docet Iuvenal. Sat. 11. v. 123.

Grande ebur et magnô sublimis pardus hiatu.

Alias leonum effigies exprimebant, etc. Vide Thom. Dempster. Paralipom. in Ioh. Rosin. l. 5. c. 26. gerh. Ioh. Voss. de Orig. et Progr. Idololatriae l. 3. c. 50. etc.